കല്‍പ്പറ്റ: വോട്ടര്‍മാര്‍ക്ക് നന്ദി പറഞ്ഞുകൊണ്ട് വയനാട് ജില്ലയില്‍ രാഹുല്‍ഗാന്ധി പര്യടനം തുടങ്ങി. രാവിലെ ഒമ്പതരയോടെ കലക്‌ട്രേറ്റിലെ എം പി ഫെസിലിറ്റേഷന്‍ സെന്റര്‍ സന്ദര്‍ശനത്തോടെയാണ് വയനാട് ജില്ലയിലെ രാഹുല്‍ഗാന്ധിയുടെ പര്യടനം ആരംഭിച്ചത്. പത്തിലധികം നിവേദനങ്ങളാണ് കലക്‌ട്രേറ്റില്‍ വെച്ച് വിവിധ സംഘടനകളും മറ്റും രാഹുല്‍ഗാന്ധിക്ക് നല്‍കിയത്.
കെ പി സി സി അധ്യക്ഷന്‍ മുല്ലപ്പള്ളി രാമചന്ദ്രന്‍, പ്രതിപക്ഷ നേതാവ് രമേശ് ചെന്നിത്തല, എ ഐ സി സി ജനറല്‍ സെക്രട്ടറിമാരായ കെ സി വേണുഗോപാല്‍, മുകുള്‍ വാസ്‌നിക് തുടങ്ങിയ നിരവധി നേതാക്കള്‍ അദ്ദേഹത്തോടൊപ്പമുണ്ടായിരുന്നു. കല്‍പ്പറ്റയിലെ പര്യടനത്തിന് ശേഷം കമ്പളക്കാട്, പനമരം എന്നിവിടങ്ങളിലാണ് രാഹുല്‍ഗാന്ധിയുടെ സന്ദര്‍ശനം. വൈകിട്ട് സുല്‍ത്താന്‍ബത്തേരിയില്‍ നടക്കുന്ന പരിപാടിയോടെയാണ് വയനാട് ജില്ലയിലെ രാഹുലിന്റെ പര്യടനം അവസാനിക്കുന്നത്.
Leave a Reply
You must be logged in to post a comment.