ജിഎസ്‍‍ടി നിരക്ക്: വിലകുറയുന്ന ഉത്പന്നങ്ങളെ കുറിച്ച് അറിയാം

ന്യൂഡല്‍ഹി: നിലവിലെ ആറ് ഉത്പന്നങ്ങളുടെ ജിഎസ്ടി നിരക്ക് 28 ശതമാനത്തില്‍ നിന്ന് കുറച്ചു. ഇന്ന് നടന്ന ജിഎസ്ടി കൗണ്‍സില്‍ യോഗത്തിലാണ് കേന്ദ്ര ധനകാര്യമന്ത്രി അരുണ്‍ ജെയ്‍റ്റിലിയാണ് ആറ് ഉത്പന്നങ്ങളുടെ ജിഎസ്ടി കുറച്ചതായി വ്യക്തമാക്കിയിരിക്കുന്നത്.
നിലവില്‍ 28 ശതമാനത്തിന് കീഴില്‍ 34 ഉത്പന്നങ്ങളായിരുന്നു ഉണ്ടായിയിരുന്നത്. എന്നാല്‍ ഇന്നത്തെ കൗണ്‍സിലിനുശേഷം ഇത് 28 ആയി കുറഞ്ഞു. ഇപ്പോള്‍ 28 ശതമാനത്തിനു കീഴില്‍ വരുന്നത് ആഡംബര ഉത്പന്നങ്ങള്‍ മാത്രമാണ്. അതേസമയം നിരക്ക് കുറച്ചതോടെ 5,500 കോടി രൂപയുടെ നഷ്ടം ഉണ്ടാകുമെന്നും അരുണ്‍ ജെയ്‍റ്റിലി വ്യക്തമാക്കി. അതോടൊപ്പം ഏപ്രില്‍ ഒന്നുമുതല്‍ പരീക്ഷണ അടിസ്ഥാനത്തില്‍ പുതുക്കിയ നിരക്ക് വിപണിയിലെത്തും. ജൂണ്‍ ആദ്യവാരത്തോടെ പ്രാബല്യത്തില്‍ വരുമെന്നും മന്ത്രി അറിയിച്ചു.
ഇന്നത്തെ ജിഎസ്‍ടി കൗണ്‍സിലിനുശേഷം വന്ന മാറ്റങ്ങള്‍:
1. 28 ശതമാനം നികുതിയ്ക്കു കീഴില്‍ വരുന്ന ഉത്പന്നങ്ങള്‍ 28 ആയി ചുരുങ്ങി.
2. തിര്‍ത്ഥാടകര്‍ക്കുള്ള സ്പെഷ്യല്‍ വിമാനങ്ങളുടെ ജിഎസ്ടി നിരക്ക്: എക്കണോമി ക്ലാസ് അഞ്ച് ശതമാനത്തിലേക്കും ബിസിനസ് ക്ലാസ് 12 ശതമാനത്തിലേക്കും ചുരുങ്ങി.
3. ഭിന്നശേഷിയുള്ളവര്‍ ഉപയോഗിക്കുന്ന സാമഗ്രികളുടെ നിരക്ക് 28 ശതമാനത്തില്‍ നിന്ന് 5 ശതമാനത്തിലേക്ക് കുറച്ചു.
4. 100 രൂപവരെയുള്ള സിനിമാ ടിക്കറ്റിന് 18 ശതമാനത്തില്‍ നിന്ന് 12 ആക്കി കുറച്ചു. 100 രൂപക്ക് മുകളിലുള്ള സിനിമാ ടിക്കറ്റിന് 28 ല്‍ നിന്ന് 18 ആക്കിയും കുറച്ചു.
5. ജന്‍ധന്‍ അക്കൗണ്ട് ഉടമകളെ ബാങ്ക് സേവനങ്ങള്‍ക്കുള്ള ജിഎസിടിയില്‍ നിന്ന് ഒഴിവാക്കി.
6. പുനരുപയോഗ ഊർജ്ജ ഉത്പന്നങ്ങള്‍ക്കും ഭാഗങ്ങളുടെ നിര്‍മ്മാണത്തിനും അഞ്ച് ശതമാനം ജിഎസ്‍ടി ചുമത്തി.
7. എ സി, ഡിഷ്‍വാഷേഴ്സ് എന്നിവയുടെ നികുതി 28 ശതമാനത്തില്‍ നിന്ന് മാറ്റമില്ല.
8. ലിതിയം ബാറ്ററികള്‍ ഉപയോഗിച്ചുള്ള പവര്‍ ബാങ്കുകള്‍, വീഡിയോ ഗെയിംസ്, ചെറിയ കായിക ഉത്പന്നങ്ങള്‍ എന്നിവ 28 ശതമാനത്തില്‍ നിന്ന് നീക്കി.
Original Article