IFFK 2018: മത്സരവിഭാഗം സിനിമകള്‍ ഇന്ന് മുതല്‍ കാണാം

തിരുവനന്തപുരം: അന്താരാഷ്ട്ര ചലച്ചിത്രമേളയില്‍ മത്സരവിഭാഗം സിനിമകളുടെ പ്രദര്‍ശനം ഇന്നാരംഭിക്കും. ഇന്ന് നാല് സിനിമകളാണ് പ്രദര്‍ശനത്തിലുള്ളത്. ചിത്രങ്ങള്‍ പരിശോധിക്കാം.
ടാഗോര്‍ തീയേറ്റര്‍ – രാവിലെ 11.30
ഡെബ്റ്റ്/വുൽസറ്റ് സരഷോഗു (Debt/Borc)
തുർക്കി, ഭാഷ: ടർക്കിഷ്
ചെറിയൊരു പ്രിന്റിങ് കടയിൽ ജോലി നോക്കുകയാണ് തുഫാൻ. ഭാര്യ മുക്കദസിനോടും മകൾ സിംഗെയോടുമൊപ്പം എസ്കിഷെറിലാണ് തുഫാൻ താമസിക്കുന്നത്. ഒരു രാത്രി തുഫാന്റെ അയൽപക്കത്ത് ഒറ്റയ്ക്ക് താമസിക്കുന്ന ഹുരിയെ രോഗാതുരയാകുന്നു. അവളുടെ പരിചരണം ഏറ്റെടുക്കണമെന്ന് ഡോക്ടർ ആവശ്യപ്പട്ടതിന്റെ അടിസ്ഥാനത്തിൽ തുഫാൻ പരിചരിക്കാൻ തയ്യാറാകുന്നു. തുടർന്ന് തുഫാനുണ്ടാകുന്ന വെല്ലുവിളികളാണ് ചിത്രത്തിന്‍റെ ഉള്ളടക്കം.
ടാഗോര്‍ തീയേറ്റര്‍ – ഉച്ചയ്‍ക്ക് 02.15
ദി ബെഡ്/മോണിക്ക ലൊറാന (The Bed/La Cama)
അർജ്ജന്റീന, ഭാഷ: സ്പാനിഷ്
മുപ്പതുവർഷത്തെ ദാമ്പത്യത്തിനു ശേഷം ജോർജ്ജും മാബേലും വേർപിരിയാൻ തീരുമാനിക്കുന്നു. ഇണകളായി ജീവിക്കുന്നതിന്റെ അവസാന മണിക്കൂറിലാണ് അവർ. അവർ താമസിക്കുന്ന വീട് വിൽക്കുകയും വീട്ടുപകരണങ്ങൾ ഒഴിവാക്കാനും തീരുമാനിക്കുന്നു. വേർപിരിയലിന്റെ അവസാന മണിക്കൂറുകളിൽ അവർ അനുഭവിക്കുന്ന വേദനയിലൂടെയും വികാര വിക്ഷോഭത്തിലൂടെയുമാണ് ചിത്രത്തിന്‍റെ കഥ അന്ത്യത്തിലെത്തുന്നത്.
ടാഗോര്‍ തീയേറ്റര്‍ – വൈകീട്ട് 06.00
നൈറ്റ് ആക്സിഡന്റ്/ തിമിർബേക്ക് ബിർനസാർവ് (Night Accident/Tunku Kyrsyk)
കിർഗിസ്ഥാൻ, ഭാഷ: കിർഗിസ്
എഴുപതുകാരനായൊരാൾ ഭ്രാന്തമായ രീതിയിൽ കാറോടിക്കുന്നതിനിടയിൽ യുവതിയെ ഇടിച്ചുവീഴ്ത്തുന്നു. തുടർന്ന് ഇരുവർക്കും ഇടയിൽ രൂപപ്പെടുന്ന വൈകാരികമായ ബന്ധത്തിന്റെ കഥയാണ് നൈറ്റ് ആക്സിഡന്റ് പറയുന്നത്.
ധന്യ – വൈകീട്ട് 6.00
ടെയിൽ ഓഫ് ദ സി/ബഹ്മൻ ഫർമനാറ (Tale of the sea / Hekayat-e Darya)
ഇറാൻ, ഭാഷ: പേർഷ്യൻ
താഹിർ മൊഹേബി അറിയപ്പെടുന്ന എഴുത്തുകാരനാണ്. ഒരു കൊലപാതകത്തിന് സാക്ഷിയായതോടെ അദ്ദേഹത്തിന് മൂന്നുവർഷക്കാലം മാനസികാരോഗ്യ കേന്ദ്രത്തിൽ കഴിയേണ്ടിവരുന്നു. അവിടെനിന്നും പുറത്തിറങ്ങുന്ന താഹിറിന് കാര്യങ്ങൾ പഴയതുപോലെയായി എന്നു തോന്നുന്നു. എന്നാൽ മാനിസാകാരോഗ്യ കേന്ദ്രത്തിൽനിന്നും അദ്ദേഹത്തിനനുഭവപ്പെട്ട മതിഭ്രമത്തിന്‍റെ ഓർമ്മകൾ അവിടേക്ക് താഹിറിനെ അവിടേക്ക് തിരികെ പോകാൻ പ്രേരിപ്പിക്കുന്നു.
Original Article