‘മാഗ്‌നറ്റിക്ക് സ്‌ട്രൈപ്പ് ‘ കാര്‍ഡുകള്‍ക്ക് നിരോധനം

കൊച്ചി: 2019 ജനുവരി ഒന്ന് മുതല്‍ ' മാഗ്‌നറ്റിക്ക് സ്‌ട്രൈപ്പ് 'കാര്‍ഡുകള്‍ക്ക് നിരോധനം വരുന്നു. എടിഎം കാര്‍ഡുകളുടെ ഇപ്പോള്‍ അടിക്കടിയുള്ള സുരക്ഷാ വീഴ്ച പരിഹരിക്കാനായാണ് മാഗ്നറ്റിക്ക് കാര്‍ഡുകള്‍ക്ക് നിരോധനം ബാങ്കുകള്‍ ഏര്‍പ്പെടുത്തുന്നത്. 2018 ന് ശേഷം ഇനി പഴയ കാര്‍ഡുകള്‍ ഉപയോഗിച്ചാല്‍ പണമിടപാടുകള്‍ സാദ്ധ്യമാകില്ലെന്നാണ് റിസര്‍വ് ബാങ്ക് അറിയിച്ചിരിക്കുന്നത്.
ബാങ്കുകള്‍ തങ്ങളുടെ ഉപഭോക്താക്കള്‍ക്ക് നിലവിലുള്ള മാഗ്നറ്റിക്ക് സ്‌ട്രൈപ് കാര്‍ഡുകള്‍ക്ക് പകരം ചിപ്പുള്ള കാര്‍ഡുകള്‍ സൗജന്യമായി മാറ്റിക്കൊടുക്കണമെന്നാണ് റിസര്‍വ് ബാങ്ക് നിര്‍ദ്ദേശം. എസ് ബി ഐ ഉള്‍പ്പെടെയുള്ള ബാങ്കുകള്‍ കാര്‍ഡുകള്‍ മാറ്റിക്കൊടുക്കാന്‍ ഇപ്പോള് തന്നെ ആരംഭിച്ചിട്ടുമുണ്ട്.
2015 ഒക്ടോബര്‍ മുതല്‍ ചിപ്പുള്ള കാര്‍ഡുകളാണ് ബാങ്കുകള്‍ വഴി നല്‍കാറുള്ളത്. തട്ടിപ്പ് തടയുകയാണ് പുതിയ കാര്‍ഡുകളുടെ പ്രധാന ലക്ഷ്യം. ഡെബിറ്റ് കാര്‍ഡുകളിലും ക്രെഡിറ്റ് കാര്‍ഡുകളിലും ചിപ്പ് നിര്‍ബന്ധമാക്കും. ഡിസംബര്‍ 31നുള്ളില്‍ തന്നെ പോസ്റ്റ് വഴിയോ മറ്റോ ലഭിക്കുന്ന പുതിയ ചിപ്പ് കാര്‍ഡ് ആക്റ്റിവേറ്റ് ചെയ്യേണ്ടതുമാണെന്നാണ് റിസര്‍വ്വ് ബാങ്ക് അറിയിച്ചിരിക്കുന്നത്.
Original Article