ഞാന്‍ പ്രകാശനിലെ ഗാനം എത്തി; ‘ഓമല്‍ താമര കണ്ണല്ലേ…’

'ഒരു ഇന്ത്യൻ പ്രണയ കഥ ' എന്ന ചിത്രത്തിന് ശേഷം ഫഹദ് ഫാസിലിനെ നായകനാക്കി സത്യൻ അന്തിക്കാട് ഒരുക്കുന്ന പുതിയ ചിത്രമായ 'ഞാന്‍ പ്രകാശനി'ലെ പുതിയ ഗാനം പുറത്ത് വിട്ടു. ‘ഓമല്‍ താമര കണ്ണല്ലേ’.. എന്ന് തുടങ്ങുന്ന ഗാനം ആലപിച്ചിരിക്കുന്നത് യദു എസ് മാരാരും ഷാന്‍ റഹ്മാനും ചേര്‍ന്നാണ്. ഹരിനാരായണൻ്റെ വരികൾക്ക് ഷാൻ റഹ്മാനാണ് സംഗീതം പകര്‍ന്നിരിക്കുന്നത്.
പ്രകാശൻ എന്ന കഥാപാത്രത്തെ അവതരിപ്പിക്കുന്ന ഗാനമാണിത്. ടിപ്പിക്കല്‍ മലയാളി യുവാവാണ് പ്രകാശൻ. ലിറിക്കല്‍ വീഡിയോയിൽ നാട്ടിൻപുറത്ത് ചുറ്റിക്കറങ്ങുന്ന പ്രകാശനംയാണ് അവതരിപ്പിച്ചിരിക്കുന്നത്. ശ്രീനിവാസനാണ് ചിത്രത്തിന് തിരക്കഥ ഒരുക്കിയിരിക്കുന്നത്. പതിനാറ് വര്‍ഷങ്ങൾക്ക് ശേഷം സത്യൻ അന്തിക്കാടും ശ്രീനിവാസനും ഒന്നിക്കുന്ന ചിത്രം എന്ന പ്രത്യേകത കൂടി ചിത്രത്തിനുണ്ട്.
ഞാന്‍ പ്രകാശനിലെ ഗാനം എത്തി ‘ഓമല്‍ താമര കണ്ണല്ലേ’..X
ഗസറ്റില്‍ പരസ്യം ചെയ്ത് പ്രകാശന്‍ എന്ന പേര് പി.ആര്‍ ആകാശ് എന്ന് പരിഷ്‌കരിക്കുന്ന കഥാപാത്രത്തെയാണ് ഫഹദ് ചിത്രത്തില്‍ അവതരിപ്പിക്കുന്നത്. നിഖില വിമലാണ് ചിത്രത്തിലെ നായിക. 24X7 , അരവിന്ദൻ്റെ അതിഥികള്‍ എന്നീ ചിത്രങ്ങളിലൂടെ പ്രേക്ഷകരുടെ മനം കവര്‍ന്ന നായികയാണ് നിഖില.ക്രിസ്തുമസ് റിലീസായി ചിത്രം എത്തും.
Original Article