ഓഹരി വിപണിയിൽ നേട്ടത്തോടെ തുടക്കം

മുംബൈ: ഓഹരി വിപണി നേട്ടത്തോടെ തുടങ്ങി. സെന്‍സെക്‌സ് 99 പോയിൻ്റ് നേട്ടത്തില്‍ 36444ലെത്തി. അതേസമയം നിഫ്റ്റി 38 പോയിൻ്റ് ഉയര്‍ന്ന് 10946ലുമെത്തി. ബിഎസ്ഇയിലെ 1143 കമ്പനികളുടെ ഓഹരികള്‍ നേട്ടം കൈവരിച്ചപ്പോൾ 443 ഓഹരികള്‍ നഷ്ടം നേരിട്ടു.
മുഖ്യമായും നേട്ടം കൊയ്തത് വാഹനം, ബാങ്ക്, ഊര്‍ജം, ലോഹം തുടങ്ങിയ വിഭാഗങ്ങളിലെ ഓഹരികളാണ്. എന്നാൽ ഹിന്ദുസ്ഥാന്‍ യുണിലിവര്‍, ബജാജ് ഓട്ടോ, ഭാരതി എയര്‍ടെല്‍, ടാറ്റ സ്റ്റീല്‍, സിപ്ല, എച്ച്ഡിഎഫ്‌സി, റിലയന്‍സ് തുടങ്ങിയ കമ്പനികളുടെ ഓഹരികള്‍ നഷ്ടം നേരിട്ടു.
കൂടാതെ ഇന്ത്യ ബുള്‍സ് ഹൗസിങ്, ഏഷ്യന്‍ പെയിൻ്റ്സ്, ഐടിസി, എസ്ബിഐ, ആക്‌സിസ് ബാങ്ക്, മാരുതി സുസുകി, ഐഒസി എന്നീ കമ്പനികളുടെ ഓഹരികളും നഷ്ടത്തിലായി.
Original Article